ခိုင်ခံ့သော ဘုရားသခင်၏ မေတ္တာတော်
ရှေးဦးစွာ ဘုရားသခင်၏ နာမတော်ကို ချီးမွမ်းပါသည်။ အသက်ရှင်သော ဘုရားသခင်၏ နှုတ်ကပတ်တော်မှ ခွန်အားယူနိုင်ရန်အတွက် ရောမဩဝါဒစာ ၈:၃၉ တွင် ဤသို့ ဖော်ပြထားသည်— "သေခြင်းဖြစ်စေ၊ အသက်ရှင်ခြင်းဖြစ်စေ၊ ကောင်းကင်တမန်ဖြစ်စေ အထွတ်အမြတ်ဖြစ်စေ၊ အာဏာတန်ခိုးဖြစ်စေ၊ မျက်မှောက်အရာဖြစ်စေ၊ နောင်လာလတ္တံ့သော အရာဖြစ်စေ၊ အမြင့်ဖြစ်စေ၊ အနိမ့်ဖြစ်စေ၊ ဤအရာမှစ၍ အဘယ်နိမ္မိတအရာမျှသည် ငါတို့သခင် ယေရှူခရစ်အားဖြင့် ခံရသော ဘုရားသခင်၏ မေတ္တာတော်နှင့် ငါတို့ကို
မကွာစေနိုင်ဟု ငါသဘောကျလျက် ရှိ၏။""ခိုင်ခံ့သော ဘုရားသခင်၏ မေတ္တာတော်" ဟူသော ဤနှုတ်ကပတ်တော်အားဖြင့် အတူတကွ ဆင်ခြင်ပြီး ခွန်အားယူကြပါစို့။ ဘုရားသခင်၏ မေတ္တာတော်သည် ကျွန်ုပ်တို့အပေါ်တွင် ခိုင်ခံ့မြဲမြံကြောင်း ထင်ရှားလျက် ရှိသည်။
ဘုရားသခင်သည် ကျွန်ုပ်တို့ လူသားအားလုံးကို ချစ်တော်မူသည်။ လူသားအားလုံးကို ချစ်သောကြောင့် မိမိအသက်တော်ကို စွန့်ကာ ကျွန်ုပ်တို့အား ရွေးနှုတ်ခြင်း ပြုခဲ့သည်။ ၎င်းသည် လူသားအားလုံးနှင့် သက်ဆိုင်သော ဘုရားသခင်၏ မေတ္တာတော်၊ ကယ်တင်ခြင်း ဆုကျေးဇူးဖြစ်သည်။
ဘုရားသခင်၏ မေတ္တာတော်သည် ခိုင်ခံ့သည်၊ တည်တံ့သည်၊ မြဲမြံသည်ဟု ကျွန်ုပ်တို့ ယုံကြည်သူအားလုံးက သိရှိထားရမည် ဖြစ်သည်။ ဘုရားသခင်သည် ကျွန်ုပ်တို့နှင့် အတူရှိဖို့ရန် ဝိညာဉ်တော်ကို ဤလောကသို့ စေလွှတ်ခဲ့သည်။ ကျွန်ုပ်တို့ ဆုတောင်းသမျှ အရာအားလုံးသည် ဝိညာဉ်တော်အားဖြင့် စောင်မပေးလျက် ရှိသည်။
ထို့ပြင် ဘုရားသခင်၏ ခေါ်ခြင်းခံရသူအားလုံးကို ချီမြှောက်မည်ဟု ကတိတော်ပေးထားသည်။ "ဘုရားသခင်သည် ငါတို့တစ်ဘက်၌ ရှိတော်မူလျှင် အဘယ်သူမျှ ငါတို့တစ်ဘက်၌ နေနိုင်မည်နည်း" ဟု မေးခွန်းထုတ်ထားသည်။ ကျွန်ုပ်တို့ကို ခရစ်တော်၌ တည်စေသောသူသည် ဘုရားသခင်သာဖြစ်သည်။ ဘုရားသခင်၏ မေတ္တာတော်နှင့် ကျွန်ုပ်တို့ကို ဘယ်အရာမှ ဝေးကွာစေနိုင်မည် မဟုတ်ပါ။
ခရစ်တော်ထဲတွင် ကျွန်ုပ်တို့သည် ခိုင်ခံ့သော မေတ္တာတော်၌ ရပ်တည်ပြီး အသက်ရှင်ရန် လိုအပ်ကြောင်း ဤနှုတ်ကပတ်တော်အားဖြင့် ဖော်ပြလိုပါသည်။
ဆင်ခြင်နှလုံးသွင်းစရာ မေးခွန်းများ:
1. ဘုရားသခင်၏ ခိုင်ခံ့သော မေတ္တာတော်ကို သင့်ဘဝတွင် မည်သို့ ခံစားရဖူးသနည်း၊ ၎င်းသည် သင့်အား မည်ကဲ့သို့ ခွန်အားဖြစ်စေခဲ့သနည်း။
2. သင့်ဘဝ၏ အခက်အခဲများကို ရင်ဆိုင်ရာတွင် ဘုရားသခင်၏ မေတ္တာတော်သည် သင့်ကို မည်သို့ မကွာမကွင်းထောက်မတ်ပေးနိုင်မည်ဟု ယုံကြည်သနည်း။
(ဆရာအာဗြံဟံ)
Comments
Post a Comment