အပြစ်၏အခ

ဒါဝိဒ်မင်းကြီးအတွက် အပြစ်၏တန်ဖိုးသည် အလွန်ကြီးမားခဲ့သည်။ သင်၏အပြစ်များ၏ အကျိုးဆက်များကို သတိထားပါ။

- “ဒါဝိဒ်သည်လည်း ငိုလျက်၊ ဦးခေါင်းကို ခြုံလျက်၊ ​ခြေနင်းကို ချွတ်လျက်၊ သံလွင်တောင်ပေါ်သို့ တက်လေ၏။ နောက်တော်၌ လိုက်သောသူ အပေါင်းတို့သည်လည်း၊ ဦးခေါင်းကို ခြုံလျက်၊ ငိုကြွေးလျက်၊ တက်ကြ၏။”  ၂ ရာ ၁၅:၃၀

ဒါဝိဒ်သည် သူ၏အာဏာတည်ဆောက်မှု၏ အထွတ်အထိပ်

တွင် ရှိနေခဲ့သည်။ သူ၏နိုင်ငံတော်သည် လုံခြုံခဲ့ပြီး၊ သူ၏လိုအပ်ချက်များ ဖြည့်ဆည်းခံခဲ့ရသည်။ သို့သော် တစ်ညနေခင်းတွင် သူသည် နန်းတော်မှ အပြင်သို့လှမ်းကြည့်ရာ ဗာသရှေဘာကို ရေချိုးနေသည်ကို မြင်လိုက်ချိန်တွင် အရာအားလုံး ပြောင်းလဲသွားခဲ့သည်။ ထိုအချိန်၏ တပ်မက်မှုကို လိုက်လျောရင်း၊ သူသည် ဗာသရှေဘာကို နန်းတော်ထဲသို့ ခေါ်ဆောင်လာပြီး “သူနှင့်အိပ်ခဲ့သည်။” ဗာသရှေဘာ ကိုယ်ဝန်ရှိလာသောအခါ၊ ဒါဝိဒ်သည် သူ၏အပြစ်ကို ပိုမိုဆိုးရွားစေရန် ဗာသရှေဘာ၏ ခင်ပွန်းကို သတ်ပစ်ခဲ့သည် (၂ ရာ ၁၁:၁-၂၇)။

 

ဒါဝိဒ်သည် သူ၏အပြစ်များကို လူထုမသိအောင် ဖုံးကွယ်ရန် ကြိုးစားခဲ့သော်လည်း၊ ဘုရားသခင်က သူလုပ်ခဲ့သမျှကို သိတော်မူသည်။ ဒါဝိဒ်သည် သူ၏ဘဝ၏ အစိတ်အပိုင်းတိုင်းတွင် ထိခိုက်မှုကို ခံစားခဲ့ရသည်။ ဗာသရှေဘာနှင့် သူရခဲ့သော သားသည် သေဆုံးခဲ့ပြီး၊ သူ၏မိသားစုသည် ပြိုကွဲခဲ့ကာ၊ သူ၏သား အဗရှလုံက ပုန်ကန်မှုကိုခံခဲ့ရလေသည်။

ဒါဝိဒ်သည် ယေရုရှလင်မြို့မှ ထွက်ပြေးခဲ့ရပြီး၊ ငိုကြွေးလျက်၊ ခေါင်းကို ဖုံးအုပ်ထားကာ၊ ခြေဗလာဖြင့် လျှောက်သွားနေသည်ကို မြင်ရသည်။ ဤမြင်ကွင်းသည် မည်မျှ ဝမ်းနည်းဖွယ်ရာပင်! သို့သော် ဤအရာသည် သူ၏အပြစ်အတွက် ပေးဆပ်ခဲ့ရသော ကြီးမားလှသည့် အဖိုးအခ၏ တစ်စိတ်တစ်ပိုင်းဖြစ်သည်။

အပြစ်သည် ကြီးမားသော ပျော်ရွှင်မှုကိုခေတ္တခဏ ပေးနိုင်သော်လည်း၎င်းသည် ကျွန်ုပ်တို့ကို ကြီးမားစွာပျက်စီး ဆုံးရှုံးစေနိုင်သည်။ကျွန်ုပ်တို့  စိုက်ကြဲခဲ့သောအရာကိုသေချာ ပြန်ရိတ်ရမည်ဖြစ်သည်။  ဂလာတိ ၆:၇

ဘုရားသခင်၏ နှုတ်ကပတ်တော်ဖြင့် သင့်ကိုယ်သင် ပြည့်ဝစေပြီး၊ ၎င်းကို နာခံပါ။ သင့်ဘဝကို ဆုတောင်းခြင်းဖြင့် အပ်နှံကာ၊ သန့်ရှင်းသောဝိညာဉ်တော်ဖြင့် ပြန်လည်ပြည့်ဝစေရန် ရှာဖွေပါ။

သခင်ဘုရားသည် သွေးဆောင်မှုကို တွန်းလှန်ရန် သင့်ကို ကူညီပေးမည်ဟု ကတိပြုထားသည်။ အကယ်၍ သင်အပြစ်ပြုမိခဲ့ပါက၊ ထိုအပြစ်ကို သူ့ထံ ဝန်ခံပါ။ အကြောင်းမူကား၊ သူသည် “ကိုယ်အပြစ်တို့ကို ဖော်ပြတောင်းပန်လျှင်၊ ငါတို့အပြစ်များကိုလွှတ်၍ ဒုစရိုက်ရှိသမျှနှင့် ကင်းစင်စေခြင်းငှာ ဘုရားသခင်သည် သစ္စာတရားနှင့်၎င်း၊ ​ဖြောင့်မတ်ခြင်းတရားနှင့်၎င်း၊ ပြည့်စုံတော်မူ၏။” (၁ ယောဟန် ၁:၉)

JK